صباح العيد
الكاتب الصحفي وشاعر البسطاء سعيد سعيد أمام
العيد هل بنوره والفرحة مالية العين
تكبير ودعوات طالعة لرب العالمين
يا رب تكتب راحة لكل المتعبين
وتجمعنا دايمًا على خير ومحبة وحنين
العيد مش لبس جديد وفرحة يومين
العيد جبر خاطر لقلوب الغلابين
وكلمة حلوة تفرح ناس موجوعين
ودعوة خير من قلب صافي للطيبين
صافح حبايبك وانسى الزعل والخصام
الدنيا قصيرة ما تستاهلش الآلام
وخلي المحبة دايمًا بين كل الأنام
يبقى أثرها الطيب عايش للأعوام
يا رب في صباح العيد ارزقنا الرضا
وابعد عن قلوبنا الهم والأذى
واحفظ أهلنا وأحبابنا من البلاء
ويديم علينا الفرح والخير والصفا
كل سنة وإحنا بخير وسلام وأمان
وتفضل مصر دايمًا أجمل الأوطان
وتعيش الفرحة في قلب كل إنسان
ويجمعنا ربنا على الخير والإيمان
صباح العيد
صباح العيد فرحة ونور مالي البيوت
تكبير يطمن قلب تعب من السكوت
وضحكة طفل بريئة تحيي القلوب اللي تموت
ونفوس صافية نسيت الزعل اللي يفوت
العيد فرحة قلب قبل اللبس الجديد
العيد حضن دافي لروح نفسها تعيد
العيد كلمة حلوة تداوي قلب وحيد
وجبر خاطر يحيي الأمل من جديد
في صباح العيد صافح كل الحبايب
وانسى الزعل مهما كان بين القرايب
الدنيا رحلة والكل فيها غايب
ويبقى الأصل الطيب والفعل الواجب
زور اللي وحيد واسأل على الغلبان
وخلي في قلبك رحمة لكل إنسان
يمكن دعوة صادقة تفتحلك الأمان
ويرضى عنك رب كريم واسع الحنان
العيد مش مظهر ولا ضحكة والسلام
العيد صفا نية ومحبة بين الأنام
وإنك تكون رحمة في زمن كله زحام
وتسيب أثر طيب يعيش بعد الأعوام
يا رب في صباح العيد ارزقنا الرضا
وابعد عن قلوبنا الحزن والأذى
وخلي أيامنا كلها خير وهنا
واحفظ أهلنا من كل ضيقة وبلاء
وكل سنة وإحنا بخير ومحبة وسلام
لا كسر قلب ولا وجع ولا خصام
وتفضل الضحكة ساكنة كل مكان
ويعيش الخير بينا طول الزمان
كلمات وتأليف الكاتب الصحفي وشاعرالبسطاء سعيدسعيدامام
