عبدالله شاعر ايهني بقلم
ابن الخضراء عبدالله العمراني
لا حاجة لمن لا يفهمني
وهواه مناقض لهواي
يبعدني ومايقررب مني
وما يخالطني ويحكي امعاي
لا أدعي اني المتنبي
ولكن لية فكرة ولية رأي
واكتب اللا اللي يناسبني
وهذا يعود لمبتغاي
وفرض ايرادتي ماحد يمنعني
انشر حروفي وأبيين ذكاي
بقتدار والكل يعرفني
أني فنان في الشعر الزاي
موهوب وحبه غامرني
لي مدرستي فيها باي
للعلالي الفوق رافعتني
والناس تحكم على مستواي
واعتز كثير بللي ينقدني
وليه فراسة المحتواي
أما اللي يحاول يقزمني
اقوله يابني انت شواي
جمري يحرق ما اتعاندني
خوذ بعضك واخطاك بلواي
في تخبيطك ماكايدني
احسنلك ماتحط في افناي
خوذ كلامي صح وابعدني
وماعندك أي قول امعاي
عبدالله شاعر ايهني
وحبي للناس هوا امناي
إذا نزل محفل ويغني
اتحس واتشوف قيمة غلاي
ومن ناوي بموقف يخدشني
يترقب صفعة من داي
ليش يابن العم اتحاربني
وأنت في حاجة لدواي
خليك امعاية وفهمني
وماتكون من فرقة اعداي
أنا انحبك وأنت حبني
وهواك يتلاقى مع هواي
