دويتو
عاشق
ومعشوق
للبلياتشو!!
/العاشق/
أنا منك أنا ليك
أنا قلب بناديك
نعيش الحلم دُنيا
ما بين عيني وعينيك
أنا شمسك أنا ضلك
أنا دايب يا روحي فيك
عاشق ضمة شفايفك
محتاج لمسة إيديك
ننسى العالم دا كُله
و ب قلبي اخبيك
الله يا حبيبي الله
من حُبك بقول الله
مستني تقول ( الآه )
واحضُن وياك ياعمري
كل جنون الحياة
أنا همسك أنا سرك
أنا روح بتناجيك
أنا كل حاجة فيا
ب تقول الله عليك -
/معشوق/
حُبك انت حُب غالي
حُب فيه رقة زماني
حتى وانت بعيد وغايب
كُلي فيك يا حبيبي دايب .
حُبك أنت مايتنسيش
حُب خلاني أعيش
اللي فات من عمري ليلة
واللي باقي ألف ليلة
ماتنتهيش .
نفسي أرجع للحياة
نفسي أفرح بيها تاني
كل م اسمع صوت نداه
شيء كأنه خد مكاني
لما يهمس طيفه (آه)
يحيي جوايا الأماني
نفسي أعرف فين هواه
نفسي أقابله لو ثوانى .
(من ديواني
أحضان مغرمة)
شعر
غنائي
للبلياتشو
وليد حسانين
15/11/2015
القاهرة _ مصر_
وليد عوض إبراهيم حسانين/
