مُحرر
العبيد
للبلياتشو!!!
إنسان وعينه عين ملاك
وف صوته دفء وامتلاك
عارف حياتنا مرحلة
والدُنيا أخرتها الفُراق
ماسك ب إيده مسطرة
وب عينه نظرة اشتياق!!!
عايش ما بينا مش بعيد
جابر خاطرنا مش عنيد
سبارتاكوس حرر عبيد
وهو لملم الرفاق..
اليوم بيولد يوم جديد
والنفس إيه غير ابن عاق.
تزعل تقول فينك يا رب
ربك هنا ربك هناك
ربك تملي يكون معاك
باعت تملي ليك مدد
الأصل فيه يعلمك
إن الحياة من غير جَلَد
زي الوداع من غير عناق!!!
أنت وانا عشنا الحياة
من غير معاني كويسة
يمكن نكون أقرب أوي
من سواد الخُنفسة!!!
الرب يا بني
يوم ما يرضى
عن قلوب
تصبح قلوبنا
هي بس المعجزة!!
دُنيا وفيها الكل بان
إللي عقله عقل نيلة
واللي مليان ب الجنان
واللي بتفُك الضفيرة
بصة في مراية الجيران!!!
واللي عامل
فيها بايع
مش شاريها
واللي عايش بهلوان
لا بريء من التُهم
الكدب فينا بيلتهم
عطر المكان
شاالله يا طاهرة
يا رئيسة المهرجان!!!
من ديواني
أوسكار
للدنيا
شعر
عامي
وليد حسانين
16/8/2021
القاهرة / مصر
وليد عوض إبراهيم حسانين
