عبير بنت الأصول
بقلم شاعر البسطاء سعيد سعيد أمام
شافوها معدية قالوا دي مين يا جدعان
قلت دي عبير اللي سابت في القلوب عنوان
دي ضحكة منها ترد الروح وتحيي الوجدان
وتخلي يومك بعد الضيق مليان أمان
لا هي طالبة مدح ناس ولا عايزة إعلان
دي قيمتها في الأصل الطيب وحسن البيان
تمشي بهدوء واتزان وكأنها لحن وألحان
وتسيب وراها ألف ورد وألف بستان
قلبي لما شافها مرة أعلن حالة العصيان
وقال يا صاحب الروح دي أجمل إنسان
قلت له بالراحة شوية بلاش تهور وجنان
قال دي عبير واللي يشوفها لازم يدوب كمان
روحت أقول لها كلامي من غير لف ودوران
قالت هات ما عندك يا شاعرالبسطاء وقول اللي كان
قلت أنا راجل عاش عمره بين صبر وحرمان
ولقيت في عيونك فرحة كانت غايبةعني زمان
ضحكت عبير وقالت يا مسكين كله كلام في كلام
قلتلها الزمن شاهد عليا والصدق خير برهان
لو يوم كتب ربنا تبقي لقلبي الأمان
أقول للدنيا كلها كسبت أجمل واحسن رهان
بقلم الكاتب الصحفي وشاعر البسطاء سعيد سعيد أمام
