للا نزهة
يا للا نزهة
يا بنت الرْصِين
يا الساكنة في البطحا
او لا جنان السبيل
القصبة او لا حي الملاح
المواسين
او لا باب دكالة
سبعة رجال
سادتي الشرفا
اللي زارهم ما يشقا
مانا فقيه
مانا طالب في السُلكة
راسِي فيه شْقِيقَة وطْنِين
او رانِي طامَع في خُبزة
ما عجنوها إيدين
ولا شافوها عينين
او طايبة على عود شجرة التين
يا للا نزهة
يا مولات القلب الحنين
يا لي ما منو ثنين
يا صاحبة الذوق الرزين
يا مولات العينين الكحلين
يا جميلة بحال ام قْنِين
شعرك طويل او مْتِين
يا للا نزهة
يا ساكنة في بيت حْنِين
بناوه الشُرفا من تْراب ويدٌِين نْقيين
او من عود الفلين
او الما ديال ذيك العين
راني باغي شُربَ من خابية ديال الطين
ما صنعوها ناس الصين
ولا جَاية من برلين
ملفوف في الفلين
ولِّي صنعوها ايدين
مَغسُولة او طاهٌرين
عاشَت في بلاد المسلمين
مع كل خلق رب العالمين
شحال ماهَا زين
او خبزها بنين
يا للا نزهة
يا بنت السعديين
يا لي خْبارْها عند الغربيين
يا الفَحلة يا مولات العينين
كل الناس فيك عاشقين
او في طيبتك مَغرومين
يا بنت الاصل والعِيلَة الملتزمين
الله غالب
16 يوليو 2026
عبدالسلام اضريف
