إنتي
شاطرة
للبلياتشو!!!
إنتي شاطرة
أيوه شاطرة
أصل غدرك
كُله فلفل
كُله شطة!!
هو لازم يعني
أشرب الخيانة
نقطة نقطة
والمخاطرة
قطرة قطرة
إنتي غلطة أيوة غلطة
وغلطة الشاطر ب عشرة
وغلطة الشاعر ب جلطة!!
مش قضية إني أكون أنا الضحية
او تكوني تمثيلية مش قضية.
ياللي رسمك عكس إسمك
كل حتة فيها بشلة فيها مطوة
عايزة مين يكون عريسك
و لا يوم يكون جليسك
عايزة فار ولا قطة
ولا توتو ولا عطوة
إنتي سيما . إنتي ريما
إنتي م الأخر قديمة
إنتي أصل كل ورطة
إنتي شابة !؟ أيوه شابة !
إنتي حلوة !؟ أيوه حلوة !
بس صحن بدون محبة
أو كاريزما ليها لازمة
إنتي أزمة !!!
إنتي عارفة
إن حُبك حب نحلة
إن غدرك راحلي زحلة
إنتي شايفة في حكايتي
أد إيه إنتي تافهة
ياللا ب السلامة ياسافلة!!!!
(من ديواني
أحضان مغرمه)
شعر
عامي
ساخر
للبلياتشو
وليد حسانين
٩/٤/٢٠١٧
القاهرة مصر
وليد عوض إبراهيم حسانين/
