درويش
في زمن
المناويش
للبلياتشو!!
كَلِم نفسك راجع فيها
إياك تيأس أو تعاديها
حاول مرة عِيد من تاني
إعرف نفسك كُون بضميرها
وبلاش تغضب يوم وتهينها
لسه الباقي كتير يا أناني !!
داوي جروحك وابدأ منها
و وعاك تِنْعَس أو تآمنها
أصل العُمر مِش مَجاني
ليه بتخبي ليه بِتداري
يللا اتكلم صُوتك غالي
إوعى تفكر إن حياتك بس أماني!!
إحكي وفضفض إوعى تخاف
قُول للناس إنك شفاف
إوعى تقول مُشكلتي زماني
أصل زمانك مِش خَواف
شايف فيك اللي مايتشاف
شايفك لسه ضمير إنساني!!
أصل حياتك يابني مراحل
فيها الجاي وفيها الراحل
مين الدايم كُلنا فاني
آه يالالالي و آه يالالالي
مين ياخوانا فينا بريء
مين الجاني!!!!
كاني وماني تاريخ ومعاني
تُركي ياباني عَصر روماني
هي الدنيا إيه غير ليلة
واحنا يادوب فيها ثواني
سَامِح صَالِح إعشق عِيش
حِبْ الناس من غير تهويش
و إياك تقسى وتنسى حناني !!
هو العُمر إيه غير لحظة يعني مفيش
نسأل ليه ماعُيونا ملاحظة التهميش
نرجع تاني نُخش مُحافظة قِسم بوليس!؟
عَركة وزِيظة وضرب في حيطة وسكة غويطة
قبضوا عليا ونادوا شاويش يومها سألني عن عنواني
ردت هي بضحكة لذيذة قالت أصل (وليد) درويش!!
للبلياتشو
وليد حسانين@
٢٥/٥/٢٠٢٣
وليد عوض إبراهيم حسانين/
