تهنية للمراة التونسية بعيدها
بقلم ابن الخضراء عبدالله العمراني
تونسية بالفم المليان
ومقامي محفوظ وعالي
بنت الخضراء عليها يبان
سماحة كل مافيها غالي
بعيدها الشعب اليوم نشوان
زغاريد ولمة حفالي
حواء في تونس من زمان
ليها قيمة في العلالي
واخذة حصة في الميزان
بفضل ثقافتها ياخالي
في العالم اشهر نسوان
ممتازين ع الغير طوالي
في بلادهم ليهم ايمان
بكون تونس جوها ميثالي
راحة وأمان واطمئنان
وجيش حامي كل الغوالي
وزعامة داعمة البنيان
صادق فعلا في اقوالي
حراير تونس ليهم شأن
يعرفهم المقيم والجالي
بنات بلادي زين واحسان
وفي وصفي ثابت ياخالي
