قصيدة بعنوان
(دردشه؟؟؟؟؟!!)
مرة واحده فاجأتني.
كل منا يروح لحاله.
طيب عادي وماله....
بس أعرف إيه جارلنا.
وإيه غيرنا وبدلنا.
وإزاي تقطعي الحب.
ووصاله.....
وإزاي يجي لنا قلب.
الواحد يرمي عياله...
بس أسأل لو سمحتي.
في حد خد مكاني.
وغيرتي حبي ببداله.
بس أسال لوسمحتي.
قلبك دق لحد تاني.
قلبك إتغير في ثواني.
إزاي أجمع عقلي بس.
معقول فجأه ألاقي قلبي
حد تاني خد مكانه....
ملعون الحب وزمانه.
ملعون عشرة دامت سنين.
صحيح كل ما فيها مش
كويس ولا فيها يسر خاطر.
بس كانت عشرة بارضه.
لو مكانش فيها حب على
الأكل من قلبك إنتي.
بس قلبي كان بيحبك.
كان يدوب من نظرة منك.
كان يصلي وكان يسبح
وكان بيدعي إنه مايقدر
يستغنى عنك.
إزاي وإنتي أول حب ليه.
وإنتي أجمل حاجه فيه.
وإنتي نور دربه ومتاهته.
وإنتي عشقه وإنتي روحه
وإنتي خبزه وإنتي ملحه
وإنتي زرعه وإنتي طرحه
وإنتي شكله وإنتي لونه
وإنتي رسمه وإنتي حسمه
وبدمه معجونه بيه.......
ودا معقوله تيجي فجأه
تتضيعيه وتخربيه....
لما تروحي وتسبيني.
إيه تعطيني قباله.
قلبي لي ترجعيه.
عمري ال عدى وغربتي
وال ضحيته عشانك.
وعربون المحبه.
ممكن لي تقدميه......
ممكن فكري لحظه
وبهدوء وبرويه.....
وإنتظري شويه عليه.
النهارده الزمن إتبدل.
ال بينصح لينا مرة.
بيضر ألف مرة.
لو ظهر لنا حبه مرة.
كرهه وحقده ألف مرة
كلها ضحك على الدقون.
كلها زي مية الصابون.....
بهارات على الوش بس.
ومفنجلين العيون.
لاعم هايدي ولدك
ولا خاله......
قالت لي وقررتها
و مرة واحدة فاجأتني
كل منا يروح لحاله....
أنا قرفت بصراحه.
ديما مشيلني الهموم.
نسيت هي إيه طعم
الحياه ونفسي
ألاقي طوق نجاه
ينشلني منك
وأسيب الهم والنكد
وبلاه......
كنت ورده مفتحه
وجميله ليها ريحه
كنت عند أهلي مرتاحه.
ليه الورده هاتفضل ورده.
ما مصير الورده تتدبل
نفسي أخلص
منك ومن ولادك
ومن حياتك وآخد
في العمر ال عدى
عزاه.......
إدخلي لي في
الخلاصة.......
نفسي أعرف.
طيب قولي ممكن
إيه أخرت الحكايه.
وإيه أخرتها النهايه.
قالت ولأول مرة
بهدوء......
خلاص زهقت مني
ومن كلامي بصراحه
كلامك يزهق ويضايق.
أيوه كدا بين حقيقتك.
حرام أتكلم معاك
حرام أدردش معاك
إنتي عارفه ناقصنا إيه
قومي إعمل لنا شاي.
ولا إرمي ورا ضهرك
ونامي وال ربك كاتبه
ربك وكل منا
يحزف سؤاله....
مرة واحدة فاجأتني
كل منا يروح لحاله
طيب عادي
وماله........$$
بقلمي&&&$#
28/8/2026
أنا شاعر العاميه
(خيرى حسنى)
