نغم باللهجة التونسية
ريت زول شد انظاري بقلم
ابن الخضراء عبدالله العمراني
ريت زول شد انظاري
جميل قد شغشب بالي
هودت قداه افكاري
على القلب حللب وفي العيون حلالي
ولا هو قريب البرنا لا جاري
ضنيته جالي
غريب الملامح منه شعلت ناري
تقدمت ليه وعرضت عنه اقوالي
حبيت نعرف منه امنين هو ضاري
واش اللي جابه الديرنا طوالي
وعلى من يبحث انساعدة بطواري
وانكون ليه سند يذوق دلالي
يصبح حبيب ينصاع الأوامري
ونربح ذاته يعيش تحت اظلالي
ونملك هواه تزدان بيها داري
وجدت الأميرة اللي تسعد حالي
فيها مزاية اتزيد في اشعاري
بالحب كونه نكهة ثمنها غالي
وهي عروس تستهال استثماري
معاها النجاح وطبعها ميثالي
طلبت منها اتكون هي اعماري
وعشيقتي في دنيتي واعمالي
كانت سيعدة برغبتي واصراري
على كسبها لحياتي وام لعيالي
وقالت ياروحي انت غماري
ومسكن القلب وليه انت غزالي
