يا مركب الشوق .... للأستاذة. مشاعل أحمد

#لوجاني_وادهاسميه_الخضر  

................

لما بتسرح في الفضا ..  

والقاك بترصد خطوتي  

ما بـاخافش من سوء الخطاب ..  

ولا بتناديني سوئتك ..  

لكني بـاتمناك تعيش  

دايما بـاقول لك يا نبي  

فما تبتغيش الحوت يوزع حكمتك ..  

ع البحر ويلم الصدف  

الحوت بيرمي دهشتي ف بحر الخطايا والسراب  

نفس الصراط المستقيم ..  

بـامشي له عايز أوصله ..  

أرجع سقيم  ..

من غير ما احرر كلمتي  

قال النبي ..  

اوعك تطاوع غفلتك  

وارصد خطاوي المطحونين ..  

وافرد لهم شالك .. وجود  

...  

ولدي شفايفه موصدة ..  

ولسانه لسه بيتولد  

ما عرفش لسه ان التاريخ ..  

رافض يكرر خطوتي  

وعشان ما اعيششي دنيتي ..  

بعد الممات  

وعشان ما ابانشي في الغيوم ..  

ومقامي ما يزورش البلاد  

قال النبي ..  

هذا الولد  

عمره ما كان زي الولاد  

يمكن يكون زي الغلام ..  

زي السفينة والجدار  

اما الغلام مش هـاقتله  

هـاهديه سلاح  

وهـاعلمه يصبر على طول المسار  

هـٰاخده معايا للنهار .. 

نبني الجدار  

ملك السفينة اللي اغتصبها من سنين  

لازم يموت  

ودي فكرته .. 

علمته يصبر بس كان في عينيه شرار  

معنى كدا إنه خلاص  ..

هيكون خليفتك يا نبي  ؟

.....

مات النبي  

وف إيدى دهشة مبهمة 

 

قَعَدِت على بردتي  

             شدتني من عمتي  

                           خلتني أستعجب  

أنا فقْت من غفلتي .. 

           وسمعت صوت الوليد  

                           ع البردة بيدبدب  

#أحمدالسَّرَّاج