نغم باللهجة التونسية
ياعين ماتبكيش بقلم
ابن الخضراء عبدالله العمراني
ياعين ماتبكيش على من خانك
وماتخسريش ادموعك على من هانك
انسيه واتركيه وصون بنيانك
طحان مايسواش سعف سيقانك
ارخيه منك وسكري بيبانك
وحيليه للأيام وشوف برهانك
خبره يجيك ويوصلك لمكانك
بيه تسمعي مهلوك تشفى اغصانك
وربك كريم يهزلك من شانك
ويسقيه كاس المر من ظلمانك
والناس تشمت فيه من خذلانك
لو كان فيه الخير راهو صانك
وما لعب بيك وهدلك سيسانك
عطيتيه حبك اروي من حنانك
واليوم باعك دفعك حرقانك
امخطط وعازم قرر عميانك
ليش تخسري في ادموعك على من خانك
