*مَالْ لِيّامْ مْصِيْفَه*
مَالْ لِيَّامْ مْصِيْفَه
طَالْقَه عْلِينَا الشُّومْ
ݣَلْتْ نْطَيِّبْ بِيدَامْهَا
لْقِيتْ غِيرْ لْحْمُومْ
وَالسَّدْرَه حْسَنْ عْوَانْهَا
مْخَبْيَه بِينْ وُرَاقْهَا هْمُومْ
مَالْ لِيَّامْ مْصِيْفَه
طَالْقَه عْلِينَا الشُّومْ
دَارُوا مَنْهَا شَطْبَه وُشْطَّابَه
مَا دَارُو لِيهَا السُّومْ
الْحَالْ بَاقِي مَا بْغَى يِتْفَاجَى
غْيُومْ تَنْسِّيكْ غْيُومْ
وَالسَّعْدْ كَحَّلْ بْ مَرْوَدْ مَضْيُومْ
حْلَفْ بَ حْلُوفُو عَلِينَا مَا يْحُومْ
مَالْ لِيَّامْ مْصِيْفَه
طَالْقَه عْلِينَا الشُّومْ
بقلم نزهة رصين
