سيرة قلب
بقلم الكاتب وشاعر البسطاء سعيدسعيدامام
انا مش هقول الدنيا حلوة ولا هقول الزمان امان
انا شوفت فيها الوشوش وعرفت فيها معادن انسان
في ناس وقت الضيق تسندك وتبقى لك حضن وحنان
وفي ناس اول ما تقع تسيبك وسط الهم نسيان
كبرت واتعلمت ان الجدعنة فعل مش كلام
وان اللي يصون العشرة يبقى اغلى من كل مقام
وان اللي يديك من قلبه ما يستناش منك اهتمام
وان الطيب لو اتوجع يفضل طيب رغم الخصام
كام مرة اديت قلبي لناس وقلت دول الامان
ولما مالت بيا الدنيا لقيتهم اول من خان
وكام مرة خبيت وجعي وقلت انا بخير تمام
علشان ما اكسرش خاطر حد وانا جوايا بركان
انا مش ندمان على طيبة عشت بيها زمان
ولا هبدل طبعي علشان قابلت ناس بلا امان
اللي خانني سيبته لرب كريم وله في الخلق ميزان
واللي صانني حطيته جوه عيوني وصنته كمان
اصل المحبة مش كلام يتقال في ساعة غرام
دي موقف وقت الشدة وسند وقت الزحام
وصاحبك الحقيقي تعرفه يوم ما يشتد الخصام
تلاقيه واقف جنبك ويقول لك انا هنا يا انسان
وعرفت ان العمر مش بالسنين ولا بعد الايام
ده العمر موقف حلو وذكرى تعيش بعد الختام
وان اللي يزرع في قلوب الناس محبة واحترام
حتى لو غاب عن الدنيا يفضل عايش في كل مكان
فمش هعيش باقي عمري اسير لخوف او ندم
ولا هبيع راحة قلبي علشان ارضي كل انسان
هقول لا لما يكون السكوت بيجيب لي انهزام
وهقول اه للخير حتى لو الخير محتاج صبر كمان
ولو حلمي اتاخر مش هقول خلاص انتهى الكلام
يمكن ربنا مأخره علشان يجي في وقته تمام
ويمكن الطريق اللي حسبته تعب ووجع وحرمان
هو نفسه الطريق اللي اخره فرحة واطمئنان
انا قلبي اتوجع بس لسه فيه مكان
لحب صافي يعيش معايا بعيد عن الخذلان
ولسه عندي امل ان اللي جاي يكون احلى زمان
ولسه بصدق ان ربنا بيعوض كل قلب عانى واحتار
انا عايز اعيش الباقي من عمري بسلام
لا شايل حقد في قلبي ولا عايش على الانتقام
اسامح لو التسامح يريحني من الخصام
وابعد لو القرب بقى وجع وما عدش فيه احترام
وفي اخر العمر لما تسكت الاصوات والكلام
مش هيفضل غير سيرة انسان عاش بضمير واهتمام
وساعتها هقول الحمد لله ما بعتش نفسي في يوم رخيص
ولا خذلت قلب حبني ولا بعت عشرة باحترام
هقول عشت ما بين وجع وامل وما بين فرح وحرمان
لكن فضلت واقف وما انحنيتش لريح الزمان
ولو الدنيا اخدت مني كتير في يوم من الايام
كفاني اني خرجت منها ولسه قلبي مليان حنان
دي حكايتي يا صاحبي من غير زيف ولا تزييف كلام
انا ابن يومي وبكره لسه قدامي وله في القلب مقام
ولو العمر باقي منه يوم هعيشه بكل ما فيه تمام
لان اجمل ما في الحكاية انك تفضل انسان
بقلم الكاتب وشاعر البسطاء
سعيد سعيد امام
