وقت حفلتي والبستي بقلم
ابن الخضراء عبدالله العمراني
وقت حفلتي والبستي
ذهبك ونفحتي
وعيونك بالغنج كحلتي
وخدك بالمكياج دهنتي
عظيمة بنتي
قلبي دخلتي وفيه سكنتي
بين جيلك منيارة ظهرتي
لية سحرتي
وروحي مني ليها خطفتي
وأنفاسي الراحتها سلبتي
وحتى فكري ليه شغلتي
وعقلي بهذلتي وطفشتي
ونار تشعل فية وللعتي
احشاية جمرتي
مصاب منك صبري.حصدتي
من ساعة قدامي طلعتي
بية لعبتي لو عرفتي
ماسببتي لكنيني وفيه اش خللفتي
جرح دايم بيه وجعتي
زولي من حبك ضعضعتي
خاف ربك راعي مصلحتي
وحالي شفتي
ارحم ذاتي وما تسعصي
واقبل عرضي وما تستهزي
لو كنت قادر و بستطاعتي
ما نرخصها ليك كرامتي
لكن قلبي ليه ملكتي
ونرضخ نقبل بللي حكمتي
مادمتي لهواية حزتي
مجبور نرضى بكل مافعلتي
