قصيدة بعنوان
(كانت بقت ###؟؟؟)
كانت بقت لمين
الدنيا لما تبقى لي
وتبقى لك.......
بقت لأبوي ولا أبوك.
ولا كانت بقت لعزالك.
بقت لمين الدنيا.
وهي بتاخد كل يوم
عمرنا قدامك.
غربتنا وأهانتنا
وداينتا وحسرتنا
وندمتنا كل دا ليه
بيقولوا عشان خاطر
عيالك......
ملعون أبوه من حياة
لما كرمتنا تنهان
وإنت مش قادر ترد
أوتدافع خوف اللقمه
ليكلها النسر من فمك.
وإنت يعيني مغصوب
عليك تساير الناس.
وهما بالكتير
متعملهمش خدامك.
مغصوب عليك تتوجع.
وتتألم بدون
ماتقول الآه.
ليشفوك مكسور
أو قليل الحيله وإيه
منها جالي وإيه
جالك.....
مطعنتز على إيه.
ومغرور وفاكر إني.
هابوس
إيديك ملعون أبوها كل
النساء ال تغدر وتخون
وملعون أبوها ال ماتشد
في حزامك تعدلك
وبإيدها تقومك وتصلب
طولك لما تشوف الدنيا
تحطمك تاخدك بإيدك.
وتسعدك وتداوي جراحك.
وتطيب خاطرك بكلمتين
يمكن يهدوا لك بالك
بعد إيه بعد فات الآوان.
وإنقضى العمر في إنكاري.
من قلبك وإبعادي وصدي
وهجري مين ال حط
لقمته في جوفك.
مين ال فرد دراعته
ليحضنك ومين ال خاف
عليك من جرح الهوا
لا يلعب بطرف
شالك ومين ال بكفه
يوم ما كنت بتتوجع
قام شالك......
مين ال تسرسب العمر
من بين صوابعه
ومين ال شاف الموت
قدام عينيه ألف مرة
ويمكن يزيد ودا كله
رسمالك.
ملعون أبوه الحب
ومعلون أبوه العشق.
لما تعشق الواحده
وتحبها تفرد قلوعها
فتخلعك من جزورك.
زي بصله مصننه
عاشت في أرض بور.
وفاكر إنك كنت عايش.
مع واحده قلبها
يصفى لك ...
فارد قلوعك ليه.
وفارد جناحك ليه
وكأنك طاير في
الهواء وفيك إيه
مش في الحريم
عيونك الخضر
ولا قوامك الممشوق
ولا شعرك حرير
ولا زايد جمالك.
ما كنت بارضوا
في شاببي بسهر
القمر طول الليل
وكل البنات وأنا لسه
حافظ أساميهم وعنوانهم
أعدهم لك والله لايخوني
العدد ما إنتي عرفاهم.
وعرفا منهم أنتين أو تلاته
ولسه عايشين وعلى
قيد الحياة
كانت الواحده لما تمشي
تهز جبال تزلزل الأرض
من تحت خطوتها
فرسه وتتمنى أكون
ليها خيال....
بقت لمين الدنيا
لما تبقى لي وتبقى
لك........
بكره هايجي عليك
الدور والدنيا ساقيه
ودواره وزي ماتهين
أو تعاير وزي مابتعمله
هايترد ليك بدل الصاع
خمسميت ألف صاع.
وهاتلاقي كل الناس
هربت وأنا بس.
ال عمري ما خونك
وأنا بس ال هابقى
لك.......
18/10/2026
بقلمي...
أنا شاعر العاميه
(خيرى حسنى)
