محتار في وصفي لحلاوتك بقلم
ابن الخضراء عبدالله العمراني
محتار في وصفي لجنابك
وفكري من زينك اصدم
غاب على وعيه كيف شافك
والشعر من صدري زم
اصعب علية اظهار احسانك
وتمرد عني القلم
من كثر ضخامة مقامك
وما فيك من خير ونعم
من عندي مرحوم من جابك
باين كونه فارس شهم
قام بواجبة عطاك شرابك
وغذاك ونفذ الحلم
جعلك بين الكل بثوابك
للعشاق انت ارفع طعم
يتمنوا استمالت قلبك
على اشكون ترضى وليه اتظم
حتى أنا قاتلني غلبك
وما فاهم كيف عنك نلضم
شعر يكون نافع في جلبك
لجنابي يا بنت العم
انت درة ثمينة مناقبك
مهما نوصف عليك مانتم
كل احروف الضاد في وصفك
وما نوصل عنك انتمم
اللي في بالي ونخطف قبلك
ومن زينك ما ننحرم
لو نفقد في يوم اغيابك
تأكدي انموت بضغط الدم
وساعتها يكون قاسي احسابك
ياخذوا بثأري أولاد العم
