افهم حديثي يا ولد اعيالي بقلم
ابن الخضراء عبدالله العمراني
اسمع كلامي وذوقه
وخليك بين الناس قدرك عالي
وحافظ ع لصلك ما تذل اعروقه
وافهم حديثي يا ولد اعيالي
نصيحتي ليك والله راهي حقيقة
ماهيش فكرة جتني في بالي
مافيه كان الواطي يخون صديقة
وأنا ليك خو مانيش عنك جالي
اقراب دم مكتوب في الوثيقة
وهذا دليل يفرض عليك اقوالي
وانشد كبيرة العرش امي عتيقة
اتخبرك علية اتقولك طوالي
عبوده اصيل ما يبيع يوم رفيقة
ولا يتركه مظلوم عند لهالي
راجل مليح معروف كونه ثيقة
وعند الكل شخصة عزيز وغالي
كي اتعاشرة ماتفارقاش دقيقة
من كثر ما توجده بشر ميثالي
ثابت الخطوة وزين حتى طريقة
وفي قيمة بين الرفاقة غوالي
إذا نطق صادق يزيل الضيقة
ويرفع الضيم ويساعد الزوالي
وابنفسه يخمد نار كل حريقة
يطفي لهيبها وما يدور التالي
وكل شخص بيه يهتم مثل شقيقة
وهذي حقيقة الكل من يصغالي
عبدو فحل الشعر بفكرة يسوقة
كما يشتهي ويحب يا جغالي
