(هما فين؟؟؟؟)
هما فين
الناس ال كنا
بنقول عليهم
هما دول
الطيبين..
هما فين ال
لو وقعنا نلاقيهم
زاد وميه.
والكتف اليمين.
ولا كان دا فض
مجلس ولا
غيرتنا
السنين...
ولا زمنا معدش
منا ولا الدنيا
أصلا مصالح
ولا عشان ما وقعت
مرة كشف
وقوعي....
عن المحبطين
كشف عن ال
في لحظه
هربوا
ونسيوا ربي
المعين...
ولا عيبي ال
كانت في واضح
وظاهر ومكنتش
أعرف .....
وكنت من الكفرة
المذنبين.
نفس أعرف
بس مرة.
ونفس واحد
يأمن كلامي
ويقول أمين.
العيب كان أصله
في....
و لا أنا ال أصلا
أهبل.
معملتش حساب
لبكره ..
ولا حياتي مكنتش
صح وعمري ضاع
مني فجأة
ولا عيوبهم مكنتش
واضحة ولا كان
باين عليهم
وشوش
الغدارين....
قالوا أهو غرق
خلينا نخلع
ملناش في سكة
الغرقنين.
نسيوا إن الدنيا
دايرة وزي ماجت
علي مرة
ممكن تقلب
ساعتها
وتخليني من
الفرحنين
من الناس السعده
ومن الناس
المبسوطين.
والله ماحد واخد
منها حاجه
غير قطنه
وكفن أبيض.
هو لازم قلبي
يفضل طول
حياته من القلب
الحزين.....
لازم أشكي
ولا زم أبكي
هو عشان الدنيا
جت علي مرة.
وعملت لي
فخ ونصبت
لي الكمين
يبقى المفروض
إني أموت
الحمد لله على
كل حال
عندي إبن بقى
لي راجل في
الجامعه
وعندي
بنتين دكاترة.
والصغيرة ربي
يحرسها بتدرس
في مدرسة
لغات....
الحمد لله
يعني كلهم
متعلمين....
وزوجتي من
الصالحين إن لو
وقعت مهما
أختلفنا ألاقيها
في وقت شدة
من الساندين.
بألف راجل.
علمت وربت
ولادها
رغم أنف
الحاقدين.
الحاسدين
المكريين...
يلعبوا عل الحبل
بين البنين.
إن صحت يبقى
صحت و إن ضاقت
وقفلت بابها
في ثانيه
قافلوا بابهم.
إحنا مش هنا
إحنا مش معاكم
روحوا وكفوا
حالكم وفاكرين
إن إحنا عليهم
من المغصوبين
يارب بحق حبيبك
ما تشمت في حد
وأفضل طول
عمري طيب
وأكون من
الغلابه المحبوبين
وعمري ما إنكسر
يارب وأمد إيدي
لحد غيرك إنت
وأشوف عيون
اللائمين...
هما فين
بقلمي أنا
شاعر العاميه ؟؟؟؟؟!!!!
(خيرى حسنى )
