recent
أخبار ساخنة

‏ساكن ف الحسين .... للأستاذ. منصور أبوقورة

‏ساكن ف الحسين .. !! 
‏
‏‏حبيبى ساكن ..
‏ف المعادى 
‏وانا ساكن ..
ف الحسين
‏وخياله عدى 
من  قصادي 
‏وشاغلني ..
من يومين 
برمش قلبه
ونظرة عين
‏قولت  افوت ..
‏السنة .. دى
‏والسنة الجاية 
‏اروح اجيبه ...
للحسين .......................!!
‏
‏لقيت .. حبيبي 
‏طيفه .. معدي 
‏جه .. لعندي 
‏وقام .. مهدي
باسني ف خدي
‏وراح ساقيني ..
‏كاس .. حنين 
‏قولت امتى ..
‏راح تجيني .. ؟!
‏وتطفي لهيبي ..
و‏السهاد زاد أنيني
‏ويفيد بإيه ..
كتر  العتاب .. ؟!
‏رحت اطمن ..
‏قلبي ...حبة 
‏بالحنان والمحبة 
‏لقيت فؤادي ..
عمال  ينادي
‏صعبان عليه
‏كتير الأسية 
‏ونار الأنين ..................... !!
‏
‏عدى يوم ...
‏وكمان .. يومين 
‏وحبيبي .. لسه 
‏ف المعادي 
‏وانا ساكن ..
‏ف الحسين 
‏قولت أصلي ..
ركعتين
‏وادعي ..
رب العالمين 
دعوتين
‏يمكن حبيبي
‏يحن قلبه 
‏ويفتكر  إنى 
‏لسه بحبه 
‏ويركب  قطر ..
‏الساعة  2
‏يخطف رجله ..
‏ولو .. ساعتين 
‏لحد .. عندي 
‏يطفي نار قلبي 
ربع ‏ساعة 
أو .. ربعين 
‏ويسقيني ..
كاس حنين  .................. !!
‏
‏ولما جه القطر 
‏لقيته .. فات
فات .. وعدى 
‏من .. سكات
‏وجه .. لعندي
وقلت .. هدي 
ولا سأل ..
مرة .. فيا
‏ولا ثانية ..
حس  بيا
و‏شغللى قلبي 
‏بالذكريات
‏وصحى ليا ..
‏نار الآهات
‏وانتحرت ..
‏ورود الأماني 
‏وروحي . .
من ساعتها ..
‏تايهة .. مني
‏والله العظيم 
‏غصب عني
‏ومليت بدمعي 
‏كل الأناني 
‏قولت لقلبي 
‏فضك .. منه
‏ودوس  على حبه 
‏شكله يعني ..
‏بايع ...حبي 
من سنين 
‏وارجع لحبك ..
‏الأولاني 
‏اللى كان ..
‏مالي ..حياتك 
‏ورد .. وأغاني 
‏ومحني قلبك ..
‏بورد الغرام 
والياسمين .................  !!
‏
‏قالي قلبي ..
‏حرام عليك 
‏اديله فرصة ..
‏مرة ...... تانية 
ولو حتى ثانية 
‏يمكن ... يحن 
‏قلبه .. ليا
‏والاقيه ف يوم 
‏سائل .. عليا 
‏والقى هواه 
‏يحس بيا 
‏ولما .. يجيني ..
‏واشوفه بعيني 
‏ابقى أقوله ..
‏انه   هو .. 
‏الحب كله
‏بتاع .. زمان 
‏وابقى .. اعاتبه ..
‏بكام سؤال 
‏وأقول له ليه .. ؟!
‏يابن الحلال 
‏دوبت قلبي بالأنين 
‏وانا سقيتك الأمان 
وكاس حنين 
‏لو   قلبه  حن 
‏ف يوم  ورن 
‏يبقى .. خير 
‏اركب ليا .. 
‏جناح حرير  
‏واطير 
‏لحد .. المعادي 
‏أخطف  رجلي ..
‏أجيبه .. وآجي 
‏ونعيش سوا ..
‏ف  سيدنا الحسين ........... !!

الشاعر /  منصور ابوقورة 
‏
google-playkhamsatmostaqltradent