الدنيا لسه بخير ؟؟
هى الدنيا لسه بخير .. ؟!
لما ناكل لحم بعض
زى الطير
ونحب ظلم الغير
لما الأخ يطخ أخوه
ويلعن امه ويا أبوه
ويشرب دمه
وتموت أمه
ع فرش حصير
تبقى الدنيا ..
لسه بخير ................... ؟!
لما الجار يتقلى ..
ف جمر النار
شارب كاس الذل
عليل .. محتار
ياكل ورق الصبر
على باب القبر .. !!
ليل .. ونهار
وجاره الحلو
ظلوم .. غدار .. !!
خيره .. كتير
وجحود .. غدار
تبقى لسه ...
الدنيا بخير .................... ؟!
لما تكون ..
ف يوم محتاج
بين الأهل
وكل الجيرة
كوباية مية
أو كاس حنية
يجعلوك ...
عيرة العيرة
تلقى الصد
وذل الرد
بسوء النية
كأنك جاى ...
من كوكب تانى
وتمشي تعانى ..
تقول .. آه يااانى
تبقى الدنيا ..
لسه بخير .................... ؟!
لما تشوف ..
الكدب بعينه
قاعد يلعب
ف أدمغة الناس
وتشوف الراجل
منك .. يهرب
يطلع .. فجأة
عديم إحساس
زى التعلب
يضرب يقلب
يعمل فيك 50 مقلب
كدا .. ف الراس
وف لحظة تكون
حزين .. محتاس
تبقى الدنيا ..
لسه بخير ...................... ؟!
لما يبيعك ...
صاحبك يوم
ف سوق الغدر
وقت الفجر
وانت جنابك
شايل همه
دمك .. دمه
حاضن قلبه
جوا عنيك
يركب فوقك
بظلم .. وفجر
تعمل .. ايه .. ؟!
تبقى الدنيا ..
لسه بخير ....................... ؟!
لما تحس ..
انك عايش ..
ف حضن اسود
وسط ديابة
جوا .. الغابة
ان غمضت ..
عينك لحظة
رحت يا با
ف شربة مية .. !!
ونقول عليك
رحمن .. يا رحيم
الوضع .. أليم
فين الحب ..
وفين الرحمة ؟!
وفين الخير ..
جوا الزحمة ؟!
تبقى الدنيا ..
لسه بخير ................... ؟!
الشاعر منصور ابوقورة