recent
أخبار ساخنة

ديكنا .. وديك أبوهم .... للأستاذ. منصور أبوقورة

ديكنا .. وديك أبوهم .. !!

ديكنا طول عمره ..
متربي ع الأدب 
والاحترام 
أصله طاهر 
ويحب السلام 
 أكله من حلال 
وشرابه عذب زلال
لا عمره يوم مشى ..
ف طريق شمال
ولا سكة ضلال
كل يوم الفجر 
يصحى قبل الأدان 
يصلي ركعتين 
ويملا الدنيا أمان .............. !!

ديك أبوهم ابن كلب 
ملعون ومجنون 
طول الليل عمال يحلم ..
ف الإجرام 
إنه يقتل ... 
وإنه يسحل 
ويعمل المستحيل 
لجل يحرق المكان 
بالبارود والنيران ............... !!

ديكنا كل يوم 
بيستحمى بمية ورد  
ف عز البرد  
وعر الشرد 
ويدعي الإله دعوتين 
يا رب احمي وطني 
وكل الأوطان
وارخي  ع الأكوان 
ستار  الأمان 
وديك أبوهم  الملعون
كل همه .. ف الحياة 
إنه يبلع .. فلسطين 
وسوريا .. ولبنان 
والخليج  كمان ................ !!

ديكنا  طول عمره 
عايش ع النضال 
لا عمره فكر إنه يعتدي ..
او يمشي  ف  الضلال 
ديك أبوهم  
عمال بيضرب .. 
عمال بينهب
وطول عمره ماشي ..
ف طريق بهتان ............... !!

ديكنا عمال بيفضح  
ف  ديك ابوهم 
ليل .. نهار 
لأنه شارب دم الغلابة 
دون اعتبار
وعمال يخرب كل الديار 
باستهتار
مطلع .. لسانه
لابس توب الغرور
قاعد يرقص ع الجدار 
عيان .. بيان  ................... !!

ديك أبوهم  مفكر 
إنه .. سوبر مان
وله ضهر جامد 
عند الأمريكان
ديكنا ..  ليل نهار 
راح  يخبط ع  البيبان
عمال يصحي كل الديوك 
من  الخليج .. للمحيط 
إللي عايشة ف التوهان
ويلم الصيصان 
م الحواري والغيطان
والديوك الخايبة
عمالة .. تضحك 
م البلاهة والغباء 
ديك أبوهم 
ف تناحة وكبرياء 
عمال يقول ... لديكنا
لم نفسك  وادخل عشك
وروح اشرب لك
كاس  حياء 
لجل تعيش  ف امان .......... !!

ديكنا  ... عقله اتجنن 
حمر    عينيه 
وهجم   عليه
مين فينا  .. يا بن الكلب
إللي عديم الحياء .. ؟!
ديك أبوهم .. لم  جناحه 
إللي  كان زي الطاووس
وكان ع الصيصان 
عمال يدوس
كان عايز يهجم ع  الديوك
وديكنا .. قال له اخرس
يا فلااااتي .. يا منجوووس
وإلا اقطع راسك بالموس
وتموت مهان ................ !!

ديك أبوهم  عارف دايما 
إن ديكنا .. أسد متين 
قاعد جوا ف العرين
واقف يصد المعتدين 
ديك أبوهم  قلبه مليان
من ديكنا  .. رعب وأنين
والديوك الخايبة 
قاعدة تضحك  ف الميدان 
وديك أبوهم .. 
الشر طالع من عينيه 
والبجاحة......
رايحة جاية فيه
ساكنه  قلبه بالطغيان ..................... !!

ديكنا .. عمال يوعظ 
ف  الديوك 
والديوك غافلانين 
عاملين .. ودن   ميه  
وودن   طين
وديك ابوهم الصعلوووك
عمال بيرقص  ع  السلالم 
وهو  عالم  ..
إن ديكنا عمال يحارب 
لوحده ف الميدان 
كل ظالم  من زمان ........... !!

ديك أبوهم ....
 قال للديوك 
كل ديك يخش عشه 
لجل ما أقوم ..
ف لحظة أنشه 
ألديوك الخايبة 
عملت له قيمة
راحت تستخبى  
ف  الجحور
خايفة تكون ....
ف يوم وليمة
وكل يوم بتشرب 
كاس هزيمة
واتخلت ف لحظة 
عن ديكنا  اللي واقف ..
ف العرين طول السنين 
زي الأسد 
عمال يدافع عن الديوك
ف الميدان .................... !!

من أيام ..
الديوك الخايبة 
راجعة تشكي ..
لديكنا .. وراجعة تبكي ..
لكن فات الاوان 
ديك ابوهم  ...
عمال بيلعب  ف الميدان
عمال بيقلب  ف  الميزان
وعينه دائما على ديكنا 
لما  كشر له عن نيابه
وكل يوم الفجر  يصحى  ..
يطلع فوق المآذن 
يرفع    الأدان 
حي  ع الجهاد 
حي  على تحرير البلاد 
وينشر ع الدنيا 
ستر الأمان ..................... !!

ديكنا  طول عمره
متربي  ... ع الحلال 
وديك أبوهم  اللي جاي ...
من طريق شمال 
مالي الدنيا  قتل وضلال
يلعن  ديك أبوهم 
اللي  مصيره
حتما .... للزوال 
وديكنا ......
زي الصقر  طاير 
فوق الجبال
ربنا يبارك  ف ديكنا 
ابن الحلال 
اما الديوك الخايبة  
لسه تايهه .. ف الميدان
قاعدة تبكي .. وحواليها ..
كل الصيصان ................. !!

الشاعر/ منصور ابوقورة
google-playkhamsatmostaqltradent