معاك إنت
🎶🎶🎶
معاك انت انا اتعلمت
وشفت الدنيا هزل × هزل
وازاى الكدب ماليها
ولوتصدق تموت فيها
عشان توصل لاحلامك
بتتلون كمان فيها
معاك انت انا اتعلمت
البس كل يوم وش
وابيع زيك كمان واغش
وأدى وعود وموفيش
ولو تسألنى عن حبى
اقولك بح تانى مفيش
معاك انت انا اتعلمت
ازاى أظلم ولا اتألمش
وان الملايكة مبتنزلش
على أرضنا مبتعيش
معاك انت انا اتعلمت
إن الطيبة دى إتنست
والضعيف ياكله القوى
وإزاى تراوض الوحوش
اصلك بقيت منهم
والطيبة دية بلها
وكمان ماتشرب منها
وبلاش تعمل يوم الخير
عشان مبتجبش همها
معاك انت انا اتعلمت
انك لوحدك واللى زيك
ملكوش مكان وسطنا
وهنفضل احنا بطبعنا
والحب والخير بقلبنا
لانخدع فى يوم أهلنا
محنا فى عالم وحدنا
ولا هتبقوا ........ زينا
وهنفضل بفطرة ربنا
وبعد دة مكرهتكش
لكن كمان مبحبكش
..... بقلم .....
أميرة الغرباوى
🎶 🎶 🎶 🎶