صرخة مقيدة
🎶🎶🎶
عارف يعني إيه صرخة وجع
عارف يعني إيه قلب إتظلم
عارف يعني إيه تنادي بعلو صوت
بس صوت حدوده جوة منك
عارف يعني إيه تكون وحيد
عارف يعني إيه روح تنقسم
عمرك دوقت مرة مر ومن كتر الضني
محسيتش منه طعم .....
أوعاك في يوم تكون مفتري
تظلم في ناس من غير سبب
أصل الظلم والله حنظل
واما اللي ظالمك يبقي منك
بتتمني قبر يضم جسمك
آااااه م الوجع وألف آااااه
لما يكون جواك حبيس
وانت معاك م الخلق ياااااه
بس وحدك متقولش آااااه
مين السند في الدنيا دية
لما الحبيب ينهش في لحمك
وأما الصديق يخوض في عرضك
وأما تلاقيش مين يحمي سرك
يارب وحدك عالم بعبدك
واقف ببابك اناجيك ياربي
كن معيني وكن لي راحتي
وإحميني دايما من شر نفسي
سلمت أمري إليك ياربي
ورميت حمولي ناديت عليك
مأنت السند وإنت المعين
.....بقلم......
أميرة الغرباوى
🎶🎶🎶🎶