ياساكن فوق
ياساكن فوق مع القمره
تعالى ف حلمى لو مره
تعالى طفى نار الشوق
وخلى القلب يهدى / يروق
ياساكن فوق
ياساكن فى الفؤاد والروح
انا عاشقاك وكُلى جروح
وانام واحلم تقابلنى
غرام بغرام تبادلنى
ياساكن فوق
أنا ع الارض مُش طايلاك
وروحى ماتحب سواك
ونار البُعد تلسعنى
وشوق فى القلب يوجعنى
ياساكن فوق
وقفت سنين على بابك
تعيش ليا ول احبابك
ده لولا انت ماكنت اعيش
وغير حبك حبيبى ماليش
ياساكن فوق
ولو طال الزمان بينا
بلمسه حب لأيدينا
نعيش فى سعاده وف افراح
تنسينى دموع وجراح
فى احضانى تنام / ترتاح
ياساكن فووووووق
شعر احمد اسماعيل / شاعر العرب
