لسه بَدرى
لسه بَدرى لسه عَدي
لسه فاضل كام شهيد
كنتِ واحه للأمان
مين إللى باعك
مين إللى خان
كل يوم فيه شهيد
كل يوم فيه جديد
فين ولادك فين وحوشك
فين عزيزك إللى قال
بلدي واحه من أمان
لما هونتِ على العيال
باعوا منك كام مكان
قبضوا فيكِ كام دولار
ناس كتير طمعوا فيكِ
دفعوا فيكِ كام شوال
ولسه بدرى لسه عدي
لما هنتي لما خنتِ
لما مات فيكِ العزيز
وكمان فرحتي
طمعوا فيكِ إللي خانوكِ
قالوا ما فيها عزيز
إللى فيها ناس عبيد
نشتريها بكام شوال
وَيا درهم وكام دولار
ولسه بدرى لسه عدى
لسه فيكِ كام جبان
قومي وريني شدي حيلك
لمي حواليكِ العيال
دوسي على كل إللى خانك
إرمي ورا ضهرك الجبان
لسه بدري
بس أنتِ يالله قومي
حُطي إيدك على الزناد
إستعدى
لوشافوكِ مره قومتى
راح يموت فيكِ إللى خان
راح يموت فيكِ الجبان
شعر
على أبوالسعود
