يا موج البحر
🎶🎶🎶
يا موج البحر أنا وإنت
وليل سهران
وحبيب القلب كان خالي
صبح حيران
صبح يحكي حكاوينا بقي
ولهان
دموع العين ما بتداوي عيون
غزلان
وليه العمر يجمعنا يقربنا
علي الحرمان
سنين العمر سرقتنا سحبتنا
لتوهة كمان
بياض الشعر فاجئنا وصحانا
من الغفلان
قطر حياتنا طار بينا ماحسينا
قلنا له،،،فرمل هنا حبة وحلمنا
يقف بينا
سنة سنتين أو أكتر
كان يمكن ندوب حبة
في بحر حنان
نعيش نسهر مع نجمة
تكلمنا
نكلمها
نقاسمها
تقاسمنا شعور عشق
خلق بينا يدوبنا ينسينا
لدنيتنا وقسوتها
يطير بينا ويحيينا يحقق
كل أحلامنا
يفجر كل مشاعرنا
من نظرة عشق في عيونا
وفجأة نفوق نصحى علي صوتك
يا موج البحر يصحينا
يفوقنا بلا رحمة بلا شفقة يقول
لساك عايش بتتصابي
لسة القلب فيك نابض
اوعاك تنسى وتتغابي
وصلت آخر محطاتك
لا عاد الفرح بأعتابك
ولا القمر علي بابك
والعمر خلاص راح يفارق
يا موج البحر ليه تقسي
علي حبايبك وليه تنسي
ما كنا صحاب وليك نسعي
وبين طياتك بنتخبي
نعيش الحب واللهفة
ولا كان غيرك بيسمعنا
ويجمعنا ينسينا اللي راح منا
يا موج البحر أنا وإنت وليل سهران
... بقلمي...أميرة الغرباوي......
🎶🎶🎶🎶🎶