كلمات الشاعر
صبرى عبد الواحد الحساني
معلم سابق بمدرسة الإصلاح الزراعي بنجع حمادى
محافظة قنا جمهورية مصر العربية
منظر لتفت انتباه زجعلن اتيقن أن الأخلاق والتربية والكرامة والصداقة وحس المعاملة ورد الجميل والوفاء ليس بالتعليم على العكس قد يتعلم من معهم شهادات عليا من مواقف يقوم بها من لم ينال حظه من التعليم أحد السائقين قام بعمل إنسانة من الدرجة الأولى من سائق لا يعرفه أو يمت له بصلة فى حين أن بعض الموظفين يتجاهل زملاءه إذا ما انتقل لا مكان آخر أو ترك العمل فكتبت اقول. عجبىى
ودارت الايام عجبى
عجبى على ناس
متعلمه فى المدارس
زميل يطلب خدمه
وكان بينهم فارس
يلاقى الطناش من الجميع
حتى اللى بيه كان حاسس
وان حد حاول يخدم
يلاقى ألف منافس
ويقولولوه سيبك منه
خليك عنه داسس
وقله بكره تعالى
راح زمن الفوارس
دلوقتى زمن العجول والخرفان
وما عادش ليهم منافس
حتى الزين غيروه
يا خسارة على علم المدارس
ودارت الايام عجبى
أنا شفت مرة سواق
وقف فى نصف الطريق
شاف سيارة واقفه
احنا قلنا اكيد ده صديق
نزل وبعد دقائق
وكأنه قائد فريق
اداله كاوتش من عنده
استبن وفك الضيق
سألته قريبك ولا صاحبك
قال دى معرفة طريق
لا صديقى ولا حتى اعرفه
أنا لقيته زى الغريق
مديت ايدى بالمساعدة
وده حق السفر والطريق
الحكايه مش بالتعليم
ولا بالشهادات ولا اخ ولا صديق
الحكاية مبدأ وتربيه
ياريت اللى سامعنى يفيق
ما دامتش لحد يا عجل
وبكره يا خروف تشوف الضيق
