..........تاه الكلام............
كلمات يحيى العبادي
===============
راح الي راح تاه الكلام
مبقتش اصحي أو حتي انام
كنت زمان زي الحصان
وبقيت بودع واقول سلام
تاهت معالم ضحكتي
مبقتش احس بدنيتي
ولقيتني من وسط البشر
عارف نهاية سكتي
انا في النهايه رايح لقبري
من البدايه الموت ده قدري
يارب وحدك قادر وترحم
افرح بقبري اروحله اجري
راح الكلام من غير وداع
من غير الم من غير صراع
حياتي كانت لناس كتير
يارب دعوه يوم الوداع
من غير نواح ولا دموع
الحزن ساكن جوه الضلوع
والفرح وقت علينا فات
خلاص رحلت مفيش رجوع
راح الي راح تاه الكلام
مبقتش اصحي أو حتي انام
كنت زمان زي الحصان
بقيت بودع واقول سلام
===============
كلمات يحيى العبادي
