عاما ثقيل
نفس المكان نفس العيون
نفس البشر هو الزمان
مش بس هو إللى إنكسر
شوفي كنا فين شوفي إحنا فين
طب بس إيه إللى حصل
مِدي الإيدين
قلبي إللى حبك لسه بيحلم بالقمر
لسه بيحلم بالعيون لسه بيعشق البشر
لسه بيحلم بالسما فيها النجوم
نفس النجوم إللى حوالين القمر
لكن الزمان. أه من الزمان
مش هو بس إللى إنكسر
أنا كنت مِنك وأنت مني
طب بس ليه بعدتِ عني
طب بس إيه إللى حصل
طب بس قولي وريحيني
كل إللى بنا ليه إنكسر
نفس المكان
نفس العيون نفس البشر
بس إحنا كان بنا ميعاد
ليه بس غاب غاب القمر
ليه بس غاب غاب وإنكسر
شعر
على ابو السعود
