قمرين
قمرين فى حياتى قمرين
من سحرك انا اروح على فين
دى عيون قتاله بنظراتها
ورموش دباحه بغمزاتها
واحتارت انا والله بين الاتنين
مش عارف قلبى رايح على فين
ده قمر فى الارض بيشغلنى
وقمر فى العالى بيسحرنى
والعقل سرح ويا الحلوين
ياقمر فى الارض كفايه عذاب
ده انا نفسى اعيش بين الاهداب
خلى لى ف قلبك رُكن حنون
وكفانى عذاب وكفانى جنون
ياقمر فى العالى ارحم حالى
فى القلب اكيد انت الغالى
ارحمنى كفايه اللى جرى لى
وياريت كان ليا ياناس قلبين
والعمر ياريته كمان عمرين
وساعتها احتار بين الاتنين
ما انا غلطة عمرى عاشق قمرين
شعر احمد اسماعيل / شاعر العرب
