كان ليه؟؟
مشيت اسرسب في الطريق شوقي
والقلب ينزف هم في عروقي..
لما انت ناويه ع الغياب.. كان ليه
بتضللي زى السحاب فوقي؟؟
سيبتيني مكشوف للمطر والريح..
وعارفه قلبي م البدايه جريح..
هي الحكايه كانت محبه صحيح؟؟
ولا انت واخده الامور تفاريح..؟؟
دخلتي قلبي بالخداع والزيف..
وقسمتي قلبي قطعتين بالسيف
منزلش من قلبي الحقيقه نزيف
لما اكتشف.. انه كان لعبه.
.......... .......
فوضت امرى في الحساب لله
علي ظلم قلبي.. اللي انت مش حساه
كان فاكر انت مكمله وياه..
ثم اكتشف انه كان لعبه
حايجي يوم وتجربي الاحساس
بظلم ناس.. بيخلصوه الناس
الدنيا عدل ومحكمه وميزان..
فيها عدل ربي.. الواحد الديان
مافيهاش لا معلش.. ولا نسيان
ياللي انت فاكره ان الحياه لعبه.
......... ............
شعر/نصر سيد بدر طلحه القاهره
@ اشاره @ الجميع