محظوظ
محظوظ انا بغرام حبيبي
اصل الهوى
والعشق يابني حظوظ
محظوظة روحي
محظوظة عيني
علشان ده واد لذُّوذ
اول ما شفته قلت إنه ليّا
والقلب ليه محجوز
وسألت عقلي قال هيه ديه
ده يا ريت بحبه نفوز
ده جمال عنيها
حاجه مش عادية
م الهم بيها تلوذ
والدم خِفّه حاجه ربانية
شربات عنب على لوز
اما الشفايف طعمها
طعم القطايف
تسحر بلونها الروز
بتشيل ف همك
ويروق معاها بسرعه دمك
لو كنت ضارب بوز
ده عليه ايدين وعليه صوابع
الحسن فيها غالب وطابع
هتشبّعك لو كنت جايع
دي عشان صوابع موز
الصوت كمان كروان يغني
صوت فيه حنان
وواخدني مني
صوت غطى على فيروز
إن هلَّ طيفه تحصل عجايب
دايما معاه النسمه جايب
بتلاقي حر الدنيا غايب
لو كان ف عز تموز
محظوظ بقرب حبيبي مني
محظوظ معاه من صغر سني
ولحد مابقى عجوز
محظوظ
بقلمي/ خالد جمال ٢٨/٦/٢٠٢٤