زجل ..... المشهد.......
فين مشات دموع عيوني
فين مشا الجهد
فين مشاو لي ينصفوني
ولا عجبهم المشهد
عفاكم الى ما جاوبوني
مال هاذ الدم برد
مالو وقف فجفوني
بعد ما كان شوم ؤ صهد
واش لعروق لي خانوني
ولا شربو شي حد
فالصمت راه ولف يصوم
ثتلج ......رجع جامد
منو اليوم راني مصدوم
ما غير منكر
مصان عاهد
عاش من النخوة محروم
لكلام عليه
ما يقدر يرد
الرخيص فمقامو يعوم
العين تشوف
والقلب مرعد
كلشي فالغلا زاد
الا قيمتك يا انسان
نفس الفيلم تعاد
غزة فالجوع راه تنام
غزة فالجوع
راها بسلام.......!!!!!!!
22 06 2024