(الشكوة لغير الله مذلة)
الدني...........كتير زغيورة
وما.......عم نضهر كزدورة
ولا.......بنسهر مع الأحباب
وعالم.......صارت مغرورة
وللخجل......ما في أسباب
الشب..........بيلبس تنورة
ورخص....الرمان والعناب
والناس.......كلها مخمورة
وعالحب.....صاير إضراب
وصار.....العشق عالصورة
وأمومة......عايشة بعذاب
وبلا.........حكي محضورة
ودمعاتها......متل المزراب
لترتاح....مش من مقدورا
وشعب..عايش عالأعشاب
والغني........بيبني قصورا
وللفقير...ما عملوا حساب
ولا..........للعيلة المستورة
ولا في...أهل ولا أصحاب
بيوت........وكلها مهجورة
والزمن..........صاير غلاب
وأطفال.....بتغرق ببحورا
وبوجي.......الدنيا ضباب
متل ......كإنها مسحورة
وصرنا.........بشريعة غاب
والراحة....علينا محذورة
وصار معنا مرض أعصاب
والناس من حالها مقهورة
والله.........يعين هالشباب
الأعمال.........كلها مبتورة
وفي......عنا بعض النواب
ما......بتسمع منهن جواب
وما.....بترضى حدا يزورا
❤️إسحاق قشاقش ❤️