انت حبيبي
انت حبيبي وكل ماليا
ايوه بحب وعمري ما أخون
انت نصيبي واغلى هدية
نعمة وجت من رب الكون
دانت يا عمري ساكن فيا
جوه ف قلبي وفين مابكون
عايشة ف روحي ونن عنيا
عمري كمان بهواك مرهون
لما تغيب عن عيني شوية
ببقى عليك ملهوف بجنون
واما بشوفك جاية عليا
قلبي يغني ويعلى التون
ايوه بحس ساعتها كأني
زي فقير وملكت الكون
عمر الغربة ما تاخدك مني
ولا اشواقي ف يوم هتهون
دانا ف البعد بزيد حنية
دانا للوعد يا عمري بصون
بكره الوقت بسرعه يعدي
بين أحضاني تنام وتقوم
بكره هييجي واعيش متهني
لما هقابل احلى عيون
انسى الغربة وبعدك عني
زي ماكون مابعدتش يوم
ايوه دقيقة ما غبتش عني
ولا حسيت بفراقك يوم
كنت معاكي وقلبك جمبي
وانا وياكي غلبني النوم
بقلمي/ خالد جمال ٤/٩/٢٠٢٤
