مزاجي متعكر
عاميةباللهجة المصرية
لمحمود مطر
قالت ما تمر علينا يا واد انت يا مسكر
وقعدت تغازلني لكن مزاجي شويه متعكر
اصل البت لوزة بنت جيرانه عماله تدور وتحلى وكمان تكبر
وانا ما باليد حيلة حالي على ادي ومنين لها أمهر
وابوها شيخ الخفر راجل نظامي وابن الحكومة وعلي متكبر
ومربي شنباته وخايف اروح اطلب ايديها كبره عليه يحضر
اصله راجل نظامي إن قلت لبنته بم يعملي كمان محضر
وآه لما تشوفه على الزراعيه وهو ماشي بيتمختر
تقلش سلطان زمانه ودا ازاي لو اتجوزت بنته انا عليه اقدر
بس انا بحب البت لوزة لما تزحلق شعرها وتقعد في الشباك كمان تسهر
وانا اعدي عليها تغازلني وتقولي يا واد انت ياسكر
تقول الكلمتين دول وانا اتخبل في حالي وعفريتي كمان يحضر
السكر فعلا بقى خبل ومزاجه والله متعكر
حتى البت عيشه
كل ما اعدي عليها ألاقي بابها متسكر
ارجع شايل على كتفي خبتي وكمان قاعد افكر
انا زعلان كده وبقيت ملح خالص ومعدش فيه سكر
حتى الولد برهومة ابن خالتي قاعد يواسيني وماقلت له حتى متشكر
متقولي بقى بابكم ياعيشه هيفتح امتى ولا كدا هيظل متسكر
لان لوزة ابوها شيخ الغفر شايل فوق و ما هو حاطط وماشي متكبر
محمودمطر
