زجل..........الزربة......
سيحت الزربة
على لي غفل
و هجر بلادو
ما حس بالضربة
حتى دخل
خنجر الغربة فكبادو
فطريق الهربة
زرب وتسل
سامح فالميمة و ولادو
من جوف الݣربة
شرب حنضل
مرارة وضر عنادو
ظنها جنة
فيها يوصل
بالزربة لهداف مرادو
صدقات غربة
كابوس يقتل
وحلامها بخور من عوادو
الدنيا زربانة
ويامها فݣعانة
تاخد منك
لعمر والصحة حشمانة
سيحت الزربة
الشتا تفتل
خيوط من السما ف وادو
ريحت التربة
ما تعرف تعزل
شكون يشمها ف تنهادو
06 10 2024
