في ليلة العمر
دي ليلة العمر والأحلام
سنين عايش وبتمنى
تهل عليا بدر تمام
وفيها القلب يتهنى
بقالنا يدوب ساعات عرسان
ولسه مانشفت الحنة
يدوب غيرت لبسي اوام
خلاص رايح على الجنة
بقوله حبيبي اوعى تنام
فصل مني ونام ننه
اقلب فيه يمين وشمال
كأنه مانامشي من مدة
غلبت ندِيه معاه وكلام
يا عم اصحى هتفضحنا
سرح ظني اوام ف الحال
في حسادنا ولايمينا
َ
اكيد حسدتنا ام أمام
عشان كت واقفه كده بينا
سمعت بودني صوت رنان
وشكيت ان فيه إنّ
عشان ف قدمها فيه خلخال
لو اتحرك عمل رنه
حبيبي يا ناس طلع محتال
عشان يلهب غرام بينا
قرصته بايدي فاق ف الحال
وقام يجري وهدهدنا
تَعَبنا من هيامنا ونال
وقعنا يا خلق من طولنا
لا شفت غرام ولا ارتاح بال
ونمنا بجد وحلمنا
عشان رمشه وعيونه السمر
ابيع عمري وادوس ع الجمر
ولأجل هواه يهون الأمر
في ليلة العمر
بقلمي/ خالد جمال ٥/١٠/٢٠٢٤