( أم الدنيا )
أم الدنيا تشيل عيالي
يا تلغي الأم .
وتقول: وأنا مالي
سوري/ يمني/ سوداني
ليبي/ صومالي/ يوناني
كل العام يقعد جوه
وبره العالم التاني
قصدي؟
العالم اللي: في بالي
ح تكون أم الدنيا إزاي
إن مكانتش الدنيا معاي؟
تاكل وتشرب من كفي
وتسقي كمان الكل الشاي
من: سواقي السد العالي
مين: قالك إنك لاجئ؟
أو جاي من سفر مفاجئ
هي عارفة إنك جي
مش الأم اللي: بتتفاجئ
بضناها وأخويا الغالي
عندنا دنيا شمس وضل
وأم لدنيا ملهاش حل
في عز تعبها بتنتج
حضن أم يسيع الكل
وإن شافت شر أعمالي
أم الدنيا تشيل عيالي
( مصر )
حربي علي
شاعرالسويس
