جمال حبك.
جمال قلبك
بينشيني.بيحييني.
.يضخ الدم في سنيني..
بيمسح دمعة الماضي
ويرسم بسمه فوق جبين الاتي
بكل جمال تمنيني
ويبدر فوق ليالي العمر
أحلامه اللي ياما كتييبير
بأناديها وهي حالفة ما تجييني.
ويسرقني من الأيام
.يأخذني بعييييد
عن الآهة عن .التوهة اللي أسرتني
سنييين وسنين.
يطمني ويهديني
وألمح في الفضا طيفك
يشاغلني يغازلني..
يخليني أكلم روحي
وأسالها كما المجاذيب .
.وأرفع حاجبي وأتستغرب
وأنا مبهور.. لساني يقول :
معقولة! حنانك ده يا نور عيني؟!
تخيل..
يا جمال عمري اللي بأستناه
..يكون ده حالى في هواك
اللي طايره معاه..
وفجأة عاوزنا نتباعد
ونطفي شمعة الإحساس
اللي جمعنا بدون مواعيد
..وتوئد حلم لسه وليد..
.تخاصمني؟!!تجافيني؟!!
. وتحرمنى من الأفراح
بكل جمال غناويها
في ليلة عيد
بيوعدني بفجر جديد
..تدفي شمسه برد
سنين من الحرمان .
.ويتبدد ضلام قلبى
في ساعة قربه من عيني..
جمال زايد.
. وشوق فايض.
. وشهد حلاوته خلتني
عليك العمر راح أزايد
..وهأدفع كل اللي باقي لي
من الأيام قصاد
لحظة صفا جنبك
دفاها روح بتحييني.
فبأستأذن جناب قلبك .
.بلاش صدك. بلاش بعدك
..دانا طالب إيدين ودك
وهأدفع مهرها
فدادين من الإحساس
يا أغلى الناس
.يا أجمل منحة من ربي
في آخر سكتي جتني
تكمل نقص تكويني
و ترضيني ب....جمال حبك..
بقلمي عبيرالصلاحي
من ديواني تعال أما أقولك
عبير
