حكاية الواد حُكشة
واللي خلق الخلق قليل عليك
لو قلت عديم الأحساس
أنا تخلى بيا وتظهرني بعد
الشهامة هجاص
واشوفك وانت متصلب
الرأي أقول ترباس
وكتر اللك واحنا في الشارع
اقول بس خلاص
هيثبت مرة على قوله
نافش نفسه شوفوا ياخلق
عرضه وطوله
فاكرلما روحنا نخطب بنت جارنا عبد السلام
لسه بنتكلم تدخل البنت
تشوفها تنام
روح منك لله خلتني في نص
هدومي
لا عرفت اقول كلمة وضيعت
لي يومي
ولما البنت ضحكت امها قالت
لها يلا من هنا قومي
ومتفوقش إلا واحنا نازلين
تقول فوق شارب توكسفين
وفيه حد يروح لعروسة حاطط نافتلين
وفالق الأووصه على الجنبين
وكرافتة الموجي جايبها منين
طب بالذمة دي اصرفها فين
والست تقولي ماله كدا دبلان وحزين
حتى وقفته ما تملى العين
وجاي تقولي تعال نرجع
ياخي رجعت الميه في زورك
ولا تلاقي واحدة تبص عليك ولا تزورك
دا كل الناس اشتكت منك
عندهم نعامة وعندي أسد
وعايزني أشيل همك
وانا اللي قلت اجوزك واحدة
جايز تلمك
لا بنت خال نافعه معاك ولا
رضيت بيك بنات عمك
قعدت تقولي انا شاطر بس
تعال اخطبلي
وكل ما ندخل بيت اطبل فيه
الاقيك تهَبلي
يا اخيب صاحب في الحب
بدل ما تخش بالحنجل
الاقيك زي العجل بتطب
وبتنام نومة وعليك شخيرة
تقول طور محبوس فحظيرة
وكل شوية شبكتي جاهزة
ياخي جوزوك معزة
وشاطر بس شوف لي واحدة
يا اخي اتوكس لا عارف تقول
كلمه ولا تسحب لك صاحبه
لأ وعليك واقفه في الميدان
اقول أسد وانت بتتفرج
عالنسوان
وكل مااقولك تعال نخطبلك
تتحجج وتقول تعبان
زهقت منك ومن افعالك
هسيبك تعيش مع نفسك
يمكن تتغير احوالك
كله حواليك بيخطب ويتجوز
وانت محصلتش البنوته اللي عايزة تتعزز
لأ وعليك نفضة لما تقف
تقول انك بن عز
لا شفت فراخ ولا اكلت وز
ياخي اتنيل بلا نيلة
فاكر نفسك إنك طويل التيله
وانت بذرتك معفنه وقليله
اللي زيك هيعيش حيله
روح يلا من هنا غور
راس نملة بجسم ثور
هتعيش زي دود المش
كل ما تطول مع الميه تكش
خليك شخصيه وتعال نتفرج علي الدش
يمكن تتعلم وتبقي زي
الناس بمية وش
بقلم مولانا العارف بالله الضاحك الباكي بلال هشهش بيلا مصر 1/9/20242024