بكره عذاب
ياللي سقيتني المر بإيدك
كان إيه ذنبي وإيه هيفيدك؟!
وانا فكرته اكمني بريدك
شهد ودايب من عناقيدك
اتاريه جرح معاك وعذاب
ياللي مليت من دمعي كاسات
وغزلتلي م الأسى مقاسات
كنت ف إيدك شوق بيريدك
وأنت هواك خد مني راقات
عشت معاك ف خداع وسراب
ياللي هواك كان غلطة عمري
ومعاك شفت نجومي ف ضُهري
ياللي ف ليلك غاب نور بدري
خدت معاك الطلقة ف ضهري
وماهمكشي عذابي وقهري
بعد ما قلبي ف حبك داب
بكره الأيام دوغري هتجري
والليل مهما ان طال جاي فجري
هنسى آلامي ويرحل ضجري
والطير اللي معاك فات شجري
بكره هيرجع ليه من بدري
وانت هتبكي دموع على هجري
على خدك يجري وينساب
بكره عذاب
بقلمي/ خالد جمال ٢٢/١٢/٢٠٢٤
