بقلم ممدوح العناني
قصيده بعنوان
،،،،،،،، حظ مفيش ،،،،،
حظ
مفيش والبخت علطول مايل
وفرح
مفيش والقلب ياما للاحزان شايل
والنوم
مخاصمنا ودمع العين عالخدود سايل
كل
مانزرع فرح نحصده لما يستوي احزان
حتى
الحبايب راحو ملهمش بينا مكان
ااااه
يازمن الكل منك من الوجع تعبان
طيب
ليه يازمان متغير مش زي زمان
ايام
ما كانت الضحكه توصل لحد الجيران
فين
ايام الناس الطيبه فين العيله واللمه
فين
كلمة الحق فين الضمير وفين الذمه
راحت
الايام وعدت الشهور والسنين
وراح
معاها ناس كانو معانا طيبين
وحظ
مفيش والبخت علطول مايل
وفرح
مفيش والقلب ياما للاحزان شايل