الوسواس
حَطِّيت راسي
فوق لُوسادة
طار نْعاسي
على غير لْعادة
حسِّيت بنْفاسي
طالْعة هُوّادة
قلبي ياناسي
يَضْرب بزْيادة
توجهت لإحساسي
سوّلت آش هذا ؟
هُوّ نْبْراسي
وجْوَابُو شْهَادة
هَذَاك وَسْواسي
طِينَة مْفْسادة
شْك فْ تَعْكاسي
منْ العين لْمْحسادة
نَعْرف قياسي
سمعوا يا سادة
خاطي لْگّلاسي
مع القوم لْمْحقادة
عَيِّيت ما نقاسي
والوقت ولاّدة
نحْفر بفاسي
وكُلِّي إرادة
خْيالي تُوناسي
نفسي مَا تْمادا
علاش طار نعاسي ؟
واشْنُو ليفادة ؟
لِلّه ياناسي
رحْمُوا لوسادة
حُبّها لاِنْفاسي
فوق لْعادة.
مراكش: 2025/01/04
نورالدين بن شقرون