هنساك لو مين
هوه انت عشان قلبي اختارك
من بين ملايين
يبقى جزاؤه تكويه بنارك
ولا مرة تلين
ولا عشان نغمة ف اوتارك
يسمعها أنين
وعشان ما هو مروي بأنهارك
هيعيش ف الطين
والضي ان كان من أنوارك
راح تعمى العين
ده خيال ومسيطر على بالك
أو وهم لعين
دانا زي ما يوم قلبي اختارك
هنساك لو مين
دانا شفت ملاك واتاريك واحد
م البني آدمين
ياللي انت جديد ف الشوق حرص
من عود ياسمين
بيشدك فيه بس المنظر
وإن مال بتميل
مروي بجبروت مسقي بحنضل
وسموم تعابين
وتسيب رياحين وتفوت عنبر
جوه البساتين
دور ع القلب اللي يقدر
مخلص ونبيل
ولا تهوى جمال فيك بيأخر
تندم بعدين
وتعيش ف هواه كده متخدر
أيام وسنين
لو عشت اسير منه اتحرر
وانساه لو مين
بقلمي/ خالد جمال ٢٢/١/٢٠٢٥