حافظ علي أمك وابوك
كلمات يحيي العبادي
==============
هوه احنا نسينا خلاص
مين لينا اعز الناس
مين عمره عاشه عشانا
فات كل الدنيا وداس
مش عارف مالك ياابني
انا فكري معاك ب يتعبني
انا روحي فداك لو تعرف
حتي لو كنت تاعبني
ياخلق الدنيا عيشوها
إياك تدخل في التوها
اولادك هما حياتك
غريب ماتقولش نسوها
دايما أفكارك ليهم
دايما بالشوق تناديهم
نفسك تديهم عمرك
وتشوف الأفراح بعنيهم
فاكر لو يوم ينسوك
ناسي ايه احساس ابوك
وامك لو تعرف حالها
وازاى عاشو يراعوك
فاكر اولادك بس
فاهم انك بتحس
ونسيت امك وابوك
خايف علي المال لايخس
أكرمهم لو بسؤال
ماهو انت ليهم والمال
حاول تعطف علي اهلك
هاقولك ابن حلال
الدنيا ياواد دواره
ولكل عمل له اماره
وكما تدين هاتدان
مافيهاش منظره وشطاره
ارجع احضن ايامك
ارجع حاسب في كلامك
مديون لأمك وابوك
في حياتك حتي علامك
ابنك يتعلم منك
يرجع وهايبقي في سنك
ويقول إن انته وأمه
اسمها فخر واسمك
اوعاك تنسي الي فات
ماتقولش كان واهو مات
عمرك ماتعوض ثانيه
لأمك وابوك بالذات
