قلب مريض
صدقت هواه وده كان ذنبي
اني بريده
بقى كيف وياه يحرق دمي
وهمي يزيده
وينكد على قلبي تملي
وف يوم عيده
ما ده دمي
اللي هواه كان يجري
جوه وريده
وده قلبي
اللي سقاه من عشقي
شهد بإيده
هوه الإخلاص راح زمنه خلاص
فات مواعيده
ولا الاحساس والعشق يا ناس
لعبه ف ايده
والشوق والحب ف شرعه رخاص
زي عبيده
معلشي يا قلبي ده على عيني
ماتكونشي سعيد
دمعك بيقطع شراييني
ما الجرح شديد
معلشي غلطنا اما عشقنا
كده قلب عنيد
وعشان سالكين اتورطنا
ف غرام بيبيد
اهو درس ومنه اتعلمنا
و هيبقى مفيد
والجرح إن مهما هيألمنا
هيعدي أكيد
وهنلقى القلب اللي يصونا
مش قلب مريض
بقلمي/ خالد جمال ١٦/١/٢٠٢٥
