ندهة عين
جيتلك يا جميل على ملا وشي
اول ما عنيك ندهت رمشي
دانا جفني معاك نسي طعم النوم
والشوق ف القلب ما يرحمشي
ازاي تندهني عنيك وامشي
دانا كنت بقربك ماحلمشي
ماقدرش اتأخر عنك يوم
ده لغيرك قلبي ماسلمشي
من يوم ما عشقتك بتمنى
يجمعني الشوق بيك واتهنى
جيتلك والروح حواليك بتحوم
والقلب سبقني على الجنة
من يوم ما هويتك وانا حاسس
انك بغرام العين حاسس
وعنيك هتحن على المحروم
وانا رمشي عليك هيكون حارس
كت ندهة عين الشوق خدها
وصلت ف أوانها وف معادها
كت نعمة عليا ياريتها تدوم
يا سلام لو قلبك يوم عادها
بقلمي/ خالد جمال ١٣/١/٢٠٢٥
